تجي تفهم اتدوخ, تجي اتدوخ ما يخلوكش

والله غريبة في العباد .. ساعات ما يزيش يضيعولك وقتك في حكايات فارغة .. يزيدو يحرقولك مخك اب فازة ما جات شي

فما شخص يا سيدي , نعرفو, يشد التليفون يمكن ربع ساعة ولا هي أكثر أببال في جرة خوه .. وأنا خوكم تليفوني ترّ فرّ .. قلت هيا برا نبعثلو مساج أطلبني .. كان الحكاية حكاية حياة أو موت تو يعاود أببال واحد اخر.. وقتها نشوفو حل... ياخي ما راعني إلا و أنو تليفوني نوقس مرة أخرى .. أما هالمرة مش أببال و إنما السيد قاعد يطلب
هيا برا هزيت خوكم و قلت ألو وأنا قلبي في يدّي نستنا في الكارثة اللي باش يحكيهالي صحيبنا..
تعدّات ربيّع ساعة و السيّد يسهل على أحوالي .. فيني وأش عامل .. هيا برا قلت نسهلو أنا يطلعشي حاشم السّخطة ولاّ جايتّو رزينة لحكاية .. ياخي طلع ما فما حتى شي
السيد يعملي في أببال باش أنا نطلبو باش سيادتو هو يسهل على أحوالي .. ملاّ رويّق